ஹாக்கி இந்தியா ஆதரவில், ஹாக்கி யூனிட் ஆப் தமிழ்நாடு சார்பில், ஹாக்கி இந்தியா மாஸ்டர்ஸ் தொடர், எழும்பூர் ராதாகிருஷ்ணன் அரங்கில் நடக்கிறது.

தொடரில், நாட்டில் 20 மாநிலங்களைச் சேர்ந்த ஆடவர் பிரிவில், 12 அணிகள்; மகளிர் பிரிவில் எட்டு அணிகள் பங்கேற்றுள்ளன. ஒவ்வொரு அணியும், தன் பிரிவில் இடம் பெற்றுள்ள மற்ற அணிகளுடன், தலா ஒரு முறை மோதுகின்றன.

நேற்று காலை நடந்த பெண்களுக்கான முதல் ஆட்டத்தில், ஹிமாச்சல் மற்றும் கர்நாடகா அணிகள் எதிர்கொண்டன. விறுவிறுப்பான ஆட்டத்தில், 2 - 0 என்ற கணக்கில் கர்நாடகா அணி வெற்றி பெற்றது. மற்றொரு போட்டியில், கேரளா அணி, 5 - 1 என்ற கணக்கில் மஹாராஷ்டிரா அணியை தோற்கடித்து வெற்றி பெற்றது.

இன்று காலை பெண்களுக்கான போட்டியில், ஒடிசா - ஹரியானா, பஞ்சாப் - தமிழகம் அணிகள் மோதுகின்றன. ஆண்களில் சத்தீஷ்கர் - மஹாராஷ்டிரா மற்றும் ஹரியானா - கர்நாடகா அணிகள் எதிர்கொள்கின்றன. போட்டிகள், 27ம் தேதி வரை நடக்கின்றன.