நடப்பு சாம்பியனான இந்தியன் ரயில்வே, இந்திய ராணுவம், பாரத் பெட்ரோலியம், ஹாக்கி யூனிட் ஆப் தமிழகம், மஹாராஷ்டிரா உள்ளிட்ட அணிகள், 'ஏ' மற்றும் 'பி' பிரிவுகளாக பிரித்து, போட்டிகள் நடக்கின்றன.

நேற்று மாலை நடந்த 'பி' பிரிவு முதல் போட்டியில், கர்நாடகா மற்றும் மத்திய தலைமை செயலக அணிகள் பலப்பரீட்சை நடத்தின. அதில், 6 - 1 என்ற கோல் கணக்கில் கர்நாடகா அணி வென்றது.

இருப்பினும், புள்ளிகள் அடிப்படையில், 'பி' பிரிவில் கடைசி இடத்தில் இருந்ததால், கர்நாடகா உட்பட என்.சி.ஓ.இ., போபால் மற்றும் மத்திய தலைமை செயலகம் ஆகிய அணிகள், போட்டியில் இருந்து வெளியேறின.

இந்த பிரிவில் இருந்த இந்தியன் ஆயில் மற்றும் ஒடிசா ஹாக்கி அணிகள், புள்ளிகள் அடிப்படையில் அரையிறுதிக்கு தகுதி பெற்றுள்ளன.