ராயபுரத்தைச் சேர்ந்தவர் வேதம்மாள், 45. அடையாறு மண்டலம், 170வது வார்டு, கோட்டூர்புரத்தில் துாய்மை பணி செய்கிறார். நேற்று முன்தினம் நள்ளிரவு, சாலையை சுத்தம் செய்து கொண்டிருந்தார்.

அப்போது, 1.30 லட்சம் ரூபாய் மதிப்புள்ள ஒரு ஐ - போன் சாலையில் கிடந்தது. அதை எடுத்து, மேல் அதிகாரிகளிடம் ஒப்படைத்தார்.

இரண்டு மணி நேரத்தில், கோட்டூர்புரம், பெருமாள் கோவில் தெருவை சேர்ந்த சுனில் என்பவர், பெசன்ட் நகர் சென்று வீடு திரும்பும்போது தொலைத்த ஐ - போனை, பைக்கில் சென்ற பாதையில் தேடிக் கொண்டிருந்தார்.

கோட்டூர்புரத்தில் தேடிக்கொண்டிருந்தபோது, அவரை கண்ட வேதம்மாள், மொபைல் போன் தங்கள் வசம் இருப்பதாக கூறினார். பின், அடையாளங்களை உறுதி செய்த பின், போன் அவரிடம் ஒப்படைக்கப்பட்டது.