கொரட்டூர், வாட்டர் கேனால் சாலையில், நேற்று முன்தினம் காலை, மணல் கடத்தி வந்த இரண்டு டிப்பர் லாரிகளை, துணை தாசில்தார் தடுத்து நிறுத்தினார். லாரிகளை விட்டுவிட்டு, ஓட்டுநர்கள் தப்பி ஓடினர்.

உரிய ஆவணங்கள் இன்றி, 6 யூனிட் மணல் கடத்தி வந்தது தெரிந்தது. லாரிகள் பறிமுதல் செய்யப்பட்டு, போலீசாரிடம் ஒப்படைக்கப்பட்டது.

தப்பியோடிய லாரி ஓட்டுநர் மற்றும் உரிமையாளர்களை, கொரட்டூர் போலீசார் தேடி வருகின்றனர்.