அம்பத்துார்,:அம்பத்துார், கிருஷ்ணாபுரம் வினைதீர்த்த விநாயகர் கோவிலை திறக்க, கடந்த 7ம் தேதி காலை 6:00 மணியளவில், அர்ச்சகர் பால சுப்பிரமணியன், 49, சென்றுள்ளார். அப்போது, கதவின் பூட்டு உடைக்கப்பட்டிருந்தது. கருவறையில் இருந்த, விநாயகர், முருகன், வள்ளி- தெய்வானை, நடராஜர் சிலைகள் திருட்டு போயிருந்தன. இது குறித்து அம்பத்துார் போலீசார் விசாரித்தனர். இதில், அம்பத்துார் கல்யாணபுரத்தைச் சேர்ந்த பாபு, 29, என்பவர் திருட்டில் ஈடுபட்டது தெரிய வந்தது.