நுங்கம்பாக்கம், வி.ஜி.எம்., தெருவை சேர்ந்தவர் பாலராஜ், 70. ஓய்வு பெற்ற மத்தியஅரசு ஊழியர்.

நேற்று முன்தினம் காலை, ஜெமினி நிறுத்தத்தில் இருந்து, வழித்தடம்: 29 சி பேருந்தில் ஏறினார்.

சவேரா ஹோட்டல் அருகே பேருந்து சென்றபோது, அவரது கைப்பையிலிருந்த, விலை உயர்ந்த ஐ - போன் மொபைல் போனை, மர்மநபர் திருடிக் கொண்டு தப்பினார். ராயப்பேட்டை காவல் நிலையத்தில், பாலராஜ் புகார் அளித்தார்.

விசாரணையில், மதுரவாயல் தனலட்சுமி நகரை சேர்ந்த குப்பன், 39, என்பவர், மொபைல் போன் திருடியது தெரியவந்தது. நேற்று அவரை போலீசார் கைது செய்தனர்.