இந்த புதிய பேருந்துகளை, போக்குவரத்து துறை அமைச்சர் சிவசங்கர், ஜெர்மன் துணைத் துாதர் மைக்கேலா குச்லர் ஆகியோர், பல்லவன் இல்லத்தில் நேற்று, கொடியசைத்து துவங்கி வைத்தனர்.

இதையடுத்து, அமைச்சர் உள்ளிட்ட அனைவரும், பேருந்தில் சிறிது துாரம் பயணம் செய்தனர்.

ஜெர்மன் துணைத் துாதர் மைக்கேலா குச்லர் பேசுகையில், ''நான் தொடர்ச்சியாக மாநகர பேருந்துகளில் பயணிக்கிறேன்.

இங்கு பெண்களுக்கு அறிவிக்கப்பட்டுள்ள இலவச பயண சேவையை, பெண்ணிய பார்வையில் பாராட்டுகிறேன்.

''மாற்றுத்திறனாளிகள் உள்ளிட்ட அனைவரும் பயன்பெறும் வகையில், தாழ்தள பேருந்துகள் இயக்கப்படுகின்றன. '5சி' வழித்தடத்தில் தாழ்தள பேருந்துகளை இயக்குமாறு கோரிக்கை விடுக்கிறேன்,'' என்றார்.