சட்டசபையில் கேள்வி நேரத்தில் நடந்த விவாதம்:

தி.மு.க., - சுந்தர்: உத்திரமேரூர் தொகுதி, குன்னவாக்கத்திற்கு, நெல்வாய் துணை மின்நிலையத்தில் இருந்து மின்சாரம் வழங்கப்படுகிறது. இது செங்கல்பட்டு மாவட்டத்திற்கு சென்றுவிட்டது. காஞ்சிபுரம் மாவட்டத்தில் உள்ள குன்னவாக்கத்திற்கு, பிரிவு அலுவலகம் அமைத்து தரவேண்டும்.

அமைச்சர் செந்தில்பாலாஜி: குன்னவாக்கம் புதிய பிரிவு அலுவலகம் தொடர்பாக அதிகாரிகளிடம் கேட்டு, அங்கு மின் இணைப்பு எண்ணிக்கையில் அடிப்படையில், முன்னுரிமை அளிக்கப்படும்.

தி.மு.க.,-தாயகம் கவி: திரு.வி.க., நகர் தொகுதியில் பெரம்பூர் நெடுஞ்சாலையில், 33 கே.வி., புதிய துணை மின்நிலையம் அமைத்து தரவேண்டும்.

அமைச்சர் செந்தில்பாலாஜி: சென்னை மாநகராட்சியை பொறுத்தவரை, துணைமின்நிலையம் அமைக்க இடப்பற்றாக்குறை உள்ளது. அந்த இடத்தில் எவ்வளவு மின்தேவை உள்ளது; கூடுதல் இணைப்புகள் எவ்வளவு வந்துள்ளது என்பது ஆய்வு செய்து, தேவை ஏற்படும்பட்சத்தில் துணை மின்நிலையம் அமைக்க அரசு முன்னுரிமை அளிக்கும்.

இவ்வாறு விவாதம் நடந்தது.

***