முன்னதாக, கோவில் வளாகத்தில் இருந்து, குழந்தை இயேசுவை தாங்கிய மாதா உருவம் பொறித்த திருக்கொடி, ஊர்வலமாக கொண்டுவரப்பட்டது.

தொடர்ந்து, புனித நீர் தெளிக்கப்பட்டு, சாம்பிராணி துாபமிட, 60 அடி உயர கொடி மரத்தில், கொடியேற்றம் செய்யப்பட்டது.

பின், சென்னை - மயிலை மறைமாவட்டம் அருட்பணி. பீட்டர் தும்மா தலைமையில், 'எதிர்நோக்கின் திருப்பயணிகளாக - ஜூபிலி ஆண்டு - 2025' என்ற தலைப்பில் திருப்பலி நடந்தது.

ஒன்பது நாட்கள் நடைபெறும் விழாவில், ஜன., 2ம் தேதி, ஆண்டின் முதல் வியாழன் - அற்புத குழந்தை இயேசுவின் சிறப்பு திருப்பலி நடைபெறும்.

தொடர்ந்து, ஜன., 4ம் தேதி மாலை, திருத்தேர் பவனி; 5ம் தேதி, ஆசிர்வாத பெருவிழாவும், அன்றிரவு, கொடியிறக்கமும் நடைபெறும். வடசென்னையில் அதிகம் மக்கள் கூடும் திருவிழாக்களில் இதுவும் ஒன்று என்பது குறிப்பிடத்தக்கது.

இந்த ஆண்டு பெருவிழாவிற்கான ஏற்பாடுகளை, பங்கு தந்தை தங்ககுமார் தலைமையிலான, பங்கு மக்கள் சிறப்பாக செய்து வருகின்றனர்.