சென்னை மாநகர போக்குவரத்து, எண்ணுார் பணிமனையில், 350க்கும் மேற்பட்ட ஊழியர்கள் பணியாற்றி வருகின்றனர். இவர்களுக்கு, வளாகத்தில் ஓய்வறை உள்ளது.

அந்த ஓய்வறை பழுதடைந்திருப்பதால், புதுப்பித்து தர வேண்டும் என, போக்குவரத்து ஊழியர்கள் கோரிக்கை விடுத்தனர். அதை தொடர்ந்து, 3 லட்ச ரூபாய் செலவில், ஓய்வறை புதுப்பிக்கப்பட்டது.

முழுதும், குளிரூட்டப்பட்ட நவீன ஓய்வறையை, நேற்று காலை திருவொற்றியூர் எம்.எல்.ஏ., கே.பி.சங்கர் திறந்து வைத்தார். இந்நிகழ்ச்சியில், கவுன்சிலர் கோமதி மற்றும் போக்குவரத்து ஊழியர்கள் பலர் பங்கேற்றனர்.