அகில இந்திய அளவிலான கூடைப்பந்து போட்டி, செங்கல்பட்டு மாவட்டம், காட்டாங்கொளத்துாரில் உள்ள பல்கலை வளாகத்தில், நேற்று காலை துவங்கியது.

இதில், நாடு முழுதும் இருந்து, 100 பல்கலை அணிகள் பங்கேற்றுள்ளன.

காலை நடந்த முதல் நாள் போட்டியில், ராமச்சந்திரா பல்கலை, 77 - 18 என்ற புள்ளி கணக்கில், கர்நாடகாவின் பாகல்கோட் பல்கலையையும், ஆந்திராவின் அப்துல் கலாம் பல்கலை, 79 - 22 என்ற புள்ளி கணக்கில், ஆந்திராவின் விக்ரம சிம்ஹபுரி பல்கலையையும் வீழ்த்தின.

தெலுங்கானாவின் உஸ்மானியா பல்கலை, 44 - 35 என்ற புள்ளிக்கணக்கில் தமிழகத்தின் மனோன் மணியம் சுந்தரனார் பல்கலையையும், கேரளா வேளாண் பல்கலை, 40 - 35 என்ற புள்ளி கணக்கில் அழகப்பா பல்கலையையும் வீழ்த்தின.

வேலுார் வி.ஐ.டி., பல்கலை 44 - 41 என்ற புள்ளிக்கணக்கில் கேரளா சுகாதார அறிவியல் பல்கலையையும், மங்களூரு பல்கலை 54 - 17 என்ற புள்ளி கணக்கில் தெலுங்கானாவின் எஸ். ஆர்., பல்கலையையும் தோற்கடித்தன.