என்.ஆர்.ஏ.ஐ., எனும் இந்திய தேசிய துப்பாக்கி சங்கம் சார்பில், 16வது தென் மண்டல துப்பாக்கி சுடுதல் பிஸ்டல் சாம்பியன்ஷிப் போட்டி, கேரளா மாநிலம் திருவனந்தபுரத்தில் நடந்தது. போட்டியில், தென் மாநில அளவில் ஏராளமானோர் பங்கேற்றனர். இதில், சென்னை கொளத்துாரை சேர்ந்த கே.இளங்குமரன், 47, மாஸ்டர் பிரிவில் பங்கேற்று, திறமையை வெளிப்படுத்தினார்.

இவர், 10 மீ., 'ஏர் பிஸ்டல்' மற்றும் 50 மீ., 'ப்ரீ பிஸ்டல்' ஆகிய இருபிரிவிலும் தலா ஒரு தங்கம் வென்றார். இந்த வெற்றியால், டில்லியில் வரும் 11 முதல் 24ம் தேதி வரை நடக்க உள்ள, அகில இந்திய துப்பாக்கி சுடுதல் சாம்பியன்ஷிப் போட்டியில் பங்கேற்க தகுதி பெற்றுள்ளார்.

முன்னதாக, சென்னையில் நடந்த மாநில போட்டியில் இளங்குமரன், மூன்று தங்கம், இரண்டு வெள்ளி பதக்கம் வென்றிருந்தார்.