இதையடுத்து, அணுகு சாலையில் 'மில்லிங்' செய்யப்பட்டு, 50 மீட்டர் நீளத்திற்கு புதிதாக தார் சாலை அமைக்கப்பட்டது.

நான்கு நாட்களுக்கு முன் அமைத்த சாலையில், அடுத்த நாளே கற்கள் பெயர்ந்து, அவ்வழியாக செல்லும் இருசக்கர வாகன ஓட்டிகள் சறுக்கி விழும் அபாயம் ஏற்பட்டது .

தரமில்லாமல் சாலை அமைத்ததாக, அப்பகுதிமக்கள் குற்றஞ்சாட்டினர். இதுகுறித்து நம் நாளிதழில் புகைப்படத்துடன் கூடிய செய்தி வெளியானது.

இதன் எதிரொலியாக, அணுகு சாலையில் தரமின்றி அமைக்கப்பட்ட சாலையை அடியோடு பெயர்த்தெடுத்து, இரு நாட்களுக்கு முன், புதிதாக சாலை போடப்பட்டுள்ளது.