ஆனால், அனுமதி வழங்கப்படாத இடங்களிலும், பகுதிவாசிகள், வாகன ஓட்டிகளின் உயிரை காவு வாங்கும் வகையில் அந்தந்த பகுதி அரசியல் பிரமுகர்கள், அதிகாரிகளை 'கவனித்து' கொண்டு, பிரதான சாலையோரங்களில் பேனர்கள் வைக்கின்றனர்.

இது குறித்து, நம் நாளிதழில் அடிக்கடி செய்தி வெளியாகிறது. அந்நேரம் மட்டும், அதிகாரிகள் கண்துடைப்பிற்காக பேனரை அகற்றி வருகின்றனர். மீண்டும் அதே இடத்தில் பேனர்கள் வைக்கப்படுகின்றன.

இந்நிலையில், தேனாம்பேட்டை அண்ணாசாலை சிக்னல் அருகே உள்ள ஆனந்தா ஹோட்டல் மீது அனுமதியின்றி விளம்பர பேனர் அமைப்பதற்கான கட்டமைப்புகள் அமைக்கப்பட்டன.

இதையறிந்த மாநகராட்சி அதிகாரிகள், சம்பந்தப்பட்ட நபருக்கு நேற்று 'நோட்டீஸ்' வழங்கி உள்ளனர். ஓரிரு நாட்களில் பேனர் அமைப்பதற்கான கட்டமைப்பை, முழுதுமாக அகற்ற உத்தரவிட்டுள்ளனர்.