சென்னை, ஒய்.எம்.சி.ஏ., கல்லுாரியின் உடற்கல்வியியல் துறை சார்பில், உடற்கல்வியியல் கல்லுாரிகளுக்கு இடையிலான விளையாட்டு போட்டிகள், இன்று துவங்குகின்றன.

போட்டிகள், நந்தனம் ஒய்.எம்.சி.ஏ., கல்லுாரி வளாகத்தில், இன்று காலை 8:00 மணிக்கு துவங்கி, தொடர்ந்து நாளை மறுநாள் வரை நடக்கின்றன.

இதில், இருபாலருக்கான கால்பந்து, குத்துச்சண்டை, வில்வித்தை, நீச்சல், கூடைப்பந்து மற்றும் கார்க் பால் ஆகிய போட்டிகள் நடக்கின்றன.

போட்டியில், தமிழ்நாடு உடற்கல்வியியல் மற்றும் விளையாட்டு பல்கலைக்கு உட்பட்ட நந்தனம் ஒய்.எம்.சி.ஏ., - கோவை மாருதி, திருச்செந்துார் சிவந்தி ஆதித்தனார், சேலம் சாரதா கல்லுாரி, செல்வம் கல்லுாரி, கோவிலுார் ஆண்டவர், திருச்சி மீனாட்சி ஆகிய 19 உடற்கல்வியியல் கல்லுாரிகள் பங்கேற்கின்றன.

மொத்தம் 500க்கும் மேற்பட்ட மாணவ - மாணவியர் பங்கேற்று, திறமையை வெளிப்படுத்த உள்ளனர்.