சென்னையில் தி.நகர், ராயபுரம் உட்பட, 19 மண்டல உதவி ஆணையர் அலுவலகங்களில், நாளை, 9ம் தேதி ரேஷன் குறைதீர் முகாம் நடக்கிறது.

காலை 9:00 மணி முதல் மதியம் 1:00 மணி வரை நடக்கும் முகாமில், ரேஷன் கார்டில் பெயர் சேர்த்தல், நீக்கல், முகவரி மாற்றம், மொபைல் போன் எண் மாற்றம் உள்ளிட்ட சேவைகள் செய்து தரப்பட உள்ளன.

மேலும், ரேஷன் கடைகளில் வழங்கப்படும் உணவு பொருட்கள் தரம் குறித்தும், தனியார் சந்தைகளில் விற்கப்படும் பொருட்கள், சேவைகளில் குறைபாடு இருந்தாலும் புகார் அளிக்கலாம்.