அதனால், வரும் 20, 22, 24 ஆகிய நாட்கள், அப்பகுதி சாலைகளில் போக்குவரத்து மாற்றப்பட உள்ளது..

 காமராஜர் சாலையில், காந்தி சிலை முதல் போர் நினைவுச் சின்னம் வரை, காலை 6:00 மணி முதல் ஒத்திகை நிகழ்ச்சி முடியும் வரை, வாகனங்கள் அனுமதிக்கப்படாது

 அடையாறிலிருந்து, காமராஜர் சாலையில் பிராட்வே நோக்கி செல்லும் சரக்கு மற்றும் வணிக வாகனங்கள், பசுமை வழிச்சாலை சந்திப்பிலிருந்து, திருவேங்கடம் சாலை, தேவநாதன் சாலை, ராமகிருஷ்ணா மடம் சாலை, ரங்கா சாலை, பி.எஸ்.சிவசாமி சாலை, ராதாகிருஷ்ணன் சாலை.

 மியூசிக் அகடாமி, டி.டி.கே., சாலை, கவுடியா மடம் சாலை, ராயப்பேட்டை ஜி.பி., சாலை வழியாக அண்ணா சாலை செல்லலாம்

 அடையாறு பகுதியிலிருந்து, காமராஜர் சாலையில் பிராட்வே நோக்கி செல்லும் பிற வாகனங்கள், காந்தி சிலை சந்திப்பில் ராதாகிருஷ்ணன் சாலை நோக்கி திருப்பிவிடப்படும். மியூசிக் அகாடமி, டி.டி.கே., சாலை, கவுடியா மடம் சாலை, ஜி.பி., சாலை, அண்ணா சாலை வழியாக செல்லலாம்

 மயிலாப்பூர் பகுதியிலிருந்து வரும் அனைத்து வாகனங்களும், ராயப்பேட்டை நெடுஞ்சாலை வந்து, ராயப்பேட்டை 1 பாயின்டில், இடதுபுறமாகவோ அல்லது வலது புறமாகவோ திரும்பி தங்களின் இலக்கை அடையலாம்.

 மாநகர பேருந்துகள் இடதுபுறமாக திரும்பி, ராதாகிருஷ்ணன் சாலை, மியூசிக் அகாடமி, டி.டி.கே., சாலை, கவுடியா மடம் சாலை, ஜி.பி., சாலை, அண்ணா சாலை வழியாக பிராட்வே செல்லலாம்

 டாக்டர் நடேசன் சாலை மற்றும் அவ்வை சண்முகம் சாலை சந்திப்பு வழியாக, காமராஜர் சாலை நோக்கி வரும் வாகனங்கள், ஐஸ் ஹவுஸ் சந்திப்புநோக்கி திருப்பி விடப்படும்

 டாக்டர் பெசன்ட் சாலையிலிருந்து காமராஜர் சாலை நோக்கி வரும் வாகனங்கள், ஐஸ் ஹவுஸ் நோக்கி திருப்பி விடப்படும்

 காமராஜர் சாலை நோக்கி வரும் வாகனங்கள், பாரதி சாலை மற்றும் பெல்ஸ் சாலை வழியாக திருப்பி விடப்படும்

 வாலாஜா சாலை மற்றும் பெல்ஸ் சாலை சந்திப்பில், உழைப்பாளர் சிலை நோக்கி வரும் வாகனங்கள், பெல்ஸ் சாலை வழியாக திருப்பி விடப்படும்

 அண்ணா சதுக்கம் அருகில் உள்ள பேருந்து நிறுத்தம், தற்காலிகமாக சிந்தாதிரிப்பேட்டை ரயில் நிலையம் அருகில் மாற்றப்படும்

 பாரிமுனையிலிருந்து ராஜாஜி சாலை மற்றும் காமராஜர் சாலை வழியாக, அடையாறு நோக்கி செல்லும் வாகனங்கள், ரிசர்வ் வங்கி சுரங்கப்பாதையில் செல்லாமல், வடக்கு துறைமுக சாலை வழியாக, ராஜா அண்ணாமலை மன்றம்.

 வாலாஜா பாயின்ட், அண்ணா சாலை, ஜி.பி., சாலை, வெஸ்ட் காட் சாலை, ராயப்பேட்டை நெடுஞ்சாலை, லாயிட்ஸ் சாலை, நீதிபதி ஜம்புலிங்கம் தெரு இடது புறம் திரும்பி, ராதாகிருஷ்ணன் சாலை வழியாக செல்லலாம்

 அண்ணா சாலை மற்றும் கொடிமர இல்ல சாலை சந்திப்பிலிருந்து, போர் நினைவுச் சின்னம் நோக்கி வாகனங்கள் செல்ல அனுமதியில்லை.