அடையாறு மண்டலம், 177வது வார்டு வேளச்சேரி பிரதான சாலை, ஐ.ஐ.டி., நுழைவாயிலில் இருந்து, விஜயாநகர் பேருந்து நிலையம் வரை, 1.5 கி.மீ., நீளம், 80 அடி அகலம் கொண்டது.

இருவழி பாதையான இந்த சாலையில், இரண்டு பகுதிகளிலும், வணிக ஆக்கிரமிப்புகள் அதிக அளவு உள்ளன. இதனால், அடிக்கடி வாகன நெரிசல், விபத்துகள் நடக்கின்றன.

புகாரின் பேரில், ஆக்கி ரமிப்புகளை அகற்ற மாநகராட்சி நடவடிக்கை எடுத்து வருகிறது. நேற்று, அரை கி.மீ., துாரம் ஆக்கிரமிப்புகள் அகற்றப்பட்டன. மீதமுள்ள பகுதியில், அடுத்தடுத்த நாட்களில் அகற்றப்படும் என, மாநகராட் சி அதிகாரிகள் கூறினர்.