இதில், பெண்கள் ஒற்றையர் பிரிவில், 27 நாடுகளைச் சேர்ந்த முன்னணி நட்சத்திர வீராங்கனையர் போட்டியிட்டனர். இந்தியா சார்பில், எஸ்.ஆர்.எம்., பல்கலைக்கழக மாணவி 18 வயது ஆலிஷா பங்கேற்றார்.

இவர், காலிறுதி போட்டியில் மலேஷியாவின் ஓ ஷான் ஸியை வீழ்த்தினார். அரையிறுதியில் குரோஷியாவின் ஜே.புச்பெர்கரை 21 - 13, 21 - 8 என்ற புள்ளிக் கணக்கில் வென்றார்.

இறுதி போட்டியில் சீன தைபேயின் லியாவோ ஜூய்வை 25 - 23, 21 - 9 என்ற புள்ளிக்கணக்கில் வென்று தங்கம் பதக்கத்தை கைப்பற்றினார்.

இவர், சர்வதேச தரவரிசையில் புதிய கால்தடம் பதித்தது, இந்தியாவுக்குப் பெருமை சேர்த்துள்ளதாக, பல்கலை நிர்வாகம் கூறியது.