திருவொற்றியூர் பூப்பந்தாட்ட கழகம் சார்பில் நடக்கும் போட்டியில், மதுரை, திண்டுக்கல், கோவை, கடலுார் போன்ற மாவட்டங்களில் இருந்து, 40 அணிகளைச் சேர்ந்த, 80 போட்டியாளர்கள் பங்கேற்றுள்ளனர்.

அதன்படி, 18 - 45 வயதுக்குட்பட்ட வீரர்கள் பங்குபெறும் பால் பேட்மின்டன் போட்டியில் வெற்றி பெறும் அணிக்கு, முதல் பரிசாக, 12,000 ரூபாய், சான்றிதழ், சுழற்கோப்பை வழங்கப்பட உள்ளது.

முறையே, அடுத்தடுத்த இடங்களை பிடிக்கும் அணிக்கு, 10,000, 8,000, 6,000, 5,000 ரூபாய் பரிசு மற்றும் சான்றிதழ்கள் வழங்கப்பட உள்ளன. திருவொற்றியூர் பூப்பந்தாட்ட கழக மாநில செயலர் எழிலரசன் உட்பட பலர் பங்கேற்றனர்.