ஆண்களுக்கான போட்டிகள் நிறைவடைந்த நிலையில், நேற்று முன்தினம் மாலை துவங்கிய பெண்களுக்கான ஆட்டத்தில், சென்னை, சேலம், நீலகிரி, தேனி, கரூர், திண்டுக்கல், கோவை உள்ளிட்ட, 41 அணிகள் பங்கேற்றுள்ளன.

முதல் போட்டியில், திருவள்ளூர் அணி, 79 - 23 என்ற புள்ளி கணக்கில் தர்மபுரி அணியையும், துாத்துக்குடி அணி, 70 - 30 என்ற கணக்கில் திருவண்ணாமலை அணியையும் வீழ்த்தின.

மற்றொரு போட்டியில், சென்னை 'ஏ ' அணி, 62 - 54 என்ற புள்ளி கணக்கில், விருதுநகர் அணியையும், தென்காசி அணி, 43 - 39 என்ற கணக்கில் நாமக்கல் அணியையும் தோற்கடித்தன.

திருப்பத்துார் மற்றும் காஞ்சிபுரம் அணிகளுக்கு இடையிலான ஆட்டத்தில், 51 - 45 என்ற கணக்கில், திருப்பத்துார் வெற்றி பெற்றது. செங்கல்பட்டு அணி, 51 - 45 என்ற கணக்கில், சென்னை 'பி' அணியை தோற்கடித்தது. போட்டிகள் தொடர்ந்து, 10ம் தேதி வரை நடக்கின்றன.