அண்ணா நகர் மண்டலத்திற்கு உட்பட அயனாவரத்தில், குப்புசாமி நகர் மற்றும் குருவாப்பா தெருவை இணைக்கும் பகுதியில், பால்பண்னை சாலை என கூறப்படும் சிறிய தெரு உள்ளது.

இச்சாலையை கடந்து தான், அயனாவரம் காய்கறி சந்தை, சோலையம்மன் கோவில் தெரு, நியூ ஆவடி சாலை உள்ளிட்ட இடங்களுக்கு செல்ல முடியும். ஆனால் இச்சாலை முழுதும், போக்குவரத்து லாயக்கற்ற நிலையில், குண்டும் குழியுமாக உள்ளது.

அவ்வழியாக கடந்து செல்லும் வாகன ஓட்டிகள் விபத்தில் சிக்கி தவிக்கின்றனர். சம்பந்தப்பட்ட அதிகாரிகள் கண்காணித்து, சாலையை சீரமைக்க நடவடிக்கை எடுக்க வேண்டும் என, கோரிக்கை எழுந்துள்ளது.