வேளச்சேரியில் அமைத்துள்ள எஸ்.டி.ஏ.டி., நீச்சல் வளாகத்தில், கோடையை முன்னிட்டு, நீச்சல் பயிற்சி முகாம் வரும் 1ம் தேதி துவங்கி, மூன்று மாதம் நடக்க உள்ளது. இதில் 120 செ.மீ., உயரத்திற்கு மேல் உள்ள 7 வயதுக்கு மேற்பட்ட மாணவர்கள் மற்றும் பெரியவர்கள் பங்கேற்று பயிற்சி பெறலாம் என, நிர்வாகம் அறிவித்திருக்கிறது. இதற்கு கட்டண தொகையாக 2,360 ரூபாய் வசூலிக்க உள்ளனர். மேலும் அரசு பள்ளியில் படிக்கும் மாணவர்களுக்கு, கட்டணத்தில் சலுகைகள் வழங்கப்பட உள்ளதாக நிர்வாகம் அறிவித்திருக்கிறது.