பின், மாட வீதிகளை வலம்வந்து பக்தர்களுக்கு அருள்பாலித்தார். அவருடன் கந்தருவி, கந்தருவன் வாகனத்தில் சுவாமி புறப்பாடு நடந்தது. இவ்விழாவில் திரளான பக்தர்கள் பங்கேற்றனர்.

நேற்று இரவு பூதகி, வெள்ளி பூத வாகனம், தாரகாசுர வாகனம் ஆகியவற்றின் புறப்பாடு நடந்தது.

மருந்தீஸ்வரர் கோவிலில்

திருவான்மியூர், மருந்தீஸ்வரர் கோவில் பங்குனி பெருவிழாவின் மூன்றாம் நாளான நேற்று, காலை 6:00 மணிக்கு உற்சவர் சந்திரசேகரர், அதிகார நந்தி வாகனத்தில் சூரிய பகவானுக்கு காட்சியருளல் நிகழ்ச்சி நடந்தது.

பின், மாட வீதிகளை வலம் வந்து, பக்தர்களுக்கு அருள் பாலித்தார். இதில், ஏராளமான பக்தர்கள் பங்கேற்றனர்.

நேற்று இரவு 8:30 மணிக்கு, சந்திரசேகரர் பூத வாகனத்தில் சந்திரனுக்கு காட்சியருளல் நிகழ்ச்சி நடந்தது. இரவு 10:00 மணிக்கு தியாகராஜர் மூன்றாம் திருபவனி, பார்த்தசாரதிக்கு அருளல் நிகழ்ச்சி நடந்தது.