அப்போது, கூட்ட நெரிசலை பயன்படுத்தி, அவரது பாக்கெட்டில் வைத்திருந்த 41 ஆயிரம் ரூபாயை திருடப்பட்டது. இது குறித்து அண்ணாசாலை காவல் நிலையத்தில், அசோக்குமார் ஜெயின் புகார் அளித்தார்.

வழக்கு பதிந்து, அப்பகுதியில் உள்ள கண்காணிப்பு கேமராவில் பதிவான காட்சிகளை போலீசார் ஆராய்ந்தனர். இதில், பழைய வண்ணாரப்பேட்டையைச் சேர்ந்த பாஸ்கர், 55, தர்மபுரி மாவட்டத்தைச் சேர்ந்த கோபால், 39, கே.கே.நகரைச் சேர்ந்த மணி, 65 ஆகிய மூவர், பா.ஜ., கூட்டம் நடந்த இடத்தில் ஊடுவி பிக் பாக்கெட் திருட்டில் ஈடுபட்டது தெரியவந்தது.

மூவரையும் நேற்று கைது செய்து, அவர்கள் திருடி வைத்திருந்த 10 ஆயிரம் ரூபாய், மூன்று மொபைல்போன்களை பறிமுதல் செய்தனர். இவர்கள் மூவரில் பாஸ்கர் மீது, ஏற்கனவே நான்கு திருட்டு வழக்குகளும், கோபால் மீது இரண்டு திருட்டு வழக்குகளும் நிலுவையில் உள்ளது விசாரணையில் தெரியவந்தது.