ராயப்பேட்டை, ஒயிட்ஸ் சாலையில் மெட்ரோ ரயில் பணிகள் மேற்கொள்ளப்பட உள்ளன. இதன் காரணமாக, திரு.வி.க., சாலை - பட்டூல்லாஸ் சாலை வரையிலான ஒயிட்ஸ் சாலை, ஒருவழிப் பாதையாக மாற்றப்பட உள்ளது.

ராயப்பேட்டை மணிக்கூண்டில் இருந்து சத்யம் திரையரங்கம் செல்வோர், பட்டூல்லாஸ் சாலை வழியாக சென்று அண்ணா சாலை, திரு.வி.க., சாலை வழியாகச் செல்ல வேண்டும். ஆயிரம் விளக்கு அண்ணா சாலையிலிருந்து சத்யம் திரையரங்கம் வரும் வாகனங்கள், வழக்கம் போல், திரு.வி.க., சாலை - ஒயிட்ஸ் சாலை வழியாகச் செல்லலாம்.

இந்த போக்குவரத்து மாற்றம், வரும் 31ம் தேதி முதல் அமல்படுத்தப்பட உள்ளதாக, அண்ணா சாலை போக்குவரத்து ஆய்வாளர் தெரிவித்துள்ளார்.