சென்னையில் இருந்து பெங்களூரு நோக்கி, பிருந்தாவன் விரைவு ரயில், காலை 7:40 மணிக்கு புறப்பட்டது. திருவள்ளூர் அடுத்த திருவாலங்காடு - மோசூர் ரயில் நிலையம் இடையே, 8:25 மணிக்கு வந்தபோது, திடீரென இன்ஜினில் கோளாறு ஏற்பட்டது.

அரக்கோணம் ரயில்வே ஊழியர்கள் வந்து, இன்ஜினில் ஏற்பட்ட கோளாறை சரிசெய்தனர். பின், 9:45 மணிக்கு ரயில் புறப்பட்டு சென்றது. ஒரு மணி நேரம் ரயில் நிறுத்தப்பட்டதால், ஆயிரக்கணக்கான பயணியர் வெயிலின் தாக்கத்தால் கடும் அவதிப்பட்டனர்.

மேலும், சிக்னலை கடந்து விரைவு ரயில் நின்றதால், ஒன்றாவது மற்றும் இரண்டாவது தண்டவாளம் வழியாக, சென்னை - அரக்கோணம் வரை இயக்கப்படும் நான்கு புறநகர் ரயில்கள் தாமதமாக சென்றன.