குப்பையில் உள்ள உணவுப் பொருட்களை தேடி வரும் நாய், பன்றி, மாடு உள்ளிட்டவை, சாலையின் குறுக்கே திடீரென ஓடுவதால், வாகன ஓட்டிகள் அடிக்கடி விபத்தில் சிக்கி வருகின்றனர் என, கடந்த 8ம் தேதி, நம் நாளிதழில் செய்தி வெளியானது.

அதன் அடிப்படையில், தாமாக முன்வந்து வழக்கு பதிந்து விசாரித்த தென் மண்டல பசுமை தீர்ப்பாய நீதிபதி புஷ்பா சத்யநாராயணா, நிபுணர் குழு உறுப்பினர் சத்யகோபால் ஆகியோர், 'பூந்தமல்லி - குமணன்சாவடி நெடுஞ்சாலையோரங்களில் குப்பை கொட்டப்படுவது குறித்து, தமிழக சுகாதாரம் மற்றும் சுற்றுச்சூழல் துறைகளின் செயலர்கள், தமிழக மாசு கட்டுப்பாட்டு வாரிய தலைவர் ஆகியோர் பதில் அறிக்கை தாக்கல் செய்ய வேண்டும்' என்று உத்தரவிட்டு, வழக்கு விசாரணையை வரும் பிப்.,27ம் தேதிக்கு தள்ளி வைத்தனர்.