விழாவிற்கு தேவையான மின்சாரத்தை, போலீஸ் பூத் அருகிலுள்ள மின் கம்பத்தில் இருந்து திருடியுள்ளனர். தகவலறிந்த மின் ஊழியர்கள் இணைப்பை துண்டித்தனர்.

இது குறித்து எஸ்.கொளத்துார் மின் வாரிய அதிகாரி கூறுகையில், 'விழா துவங்கும் முன், 'ஜெனரேட்டர்' பயன்படுத்துமாறு அறிவுறுத்தினோம். ஆனால், ஜெனரேட்டரை பயன்படுத்தாமல், திருட்டு மின்சாரத்தில் விழா நடப்பதாக புகார் வந்தது. இதையடுத்து, மின் திருட்டு இணைப்பை துண்டித்தோம்' என்றார்.

இணைப்பை துண்டித்ததால், இரவு 7:00 மணிக்கு இருள் மூழ்கியது. பின், ஜெனரேட்டர் வந்தவுடன் 7:35 மணிக்கு விழா மீண்டும் துவங்கியது.

இதேபோல், அனைத்து கட்சி கூட்டங்களிலும் அதிகாரிகள் நடவடிக்கை எடுக்க வேண்டும் என, சமூக ஆர்வலர்கள் கோரிக்கை விடுத்தனர்.