சித்தாமூர் அடுத்த புத்திரன்கோட்டை கிராமத்தைச் சேர்ந்தவர் மணிகண்டன், 27. தனியார் ஊழியர். இவர், நேற்று காலை, 'பஜாஜ் பல்சர்' பைக்கில், அதே கிராமத்தைச் சேர்ந்த ராமலிங்கம், 52, என்பவரை ஏற்றிக்கொண்டு, மதுராந்தகம் நோக்கிச் சென்றார்.

காலை 6:00 மணியளவில், சித்தாமூர் அடுத்த கொல்லத்தநல்லுார் அருகே சென்றபோது, சித்தாமூரில் இருந்து எதிரே வந்த லாரி, இவர்களது பைக் மீது மோதியது. இதில், பைக்கில் சென்ற மணிகண்டன், ராமலிங்கம் ஆகிய இருவரும், சம்பவ இடத்திலேயே உயிரிழந்தனர்.

சித்தாமூர் போலீசார் வழக்கு பதிந்து, தப்பியோடிய லாரி ஓட்டுநரை தேடி வருகின்றனர்.