அப்போது, பைக்கில் வந்த அடையாளம் தெரியாத இருவர், தேவராஜை வழிமறித்து மொபைல் போன் கேட்டுள்ளனர். அவர் கொடுக்க மறுக்கவே, மர்ம நபர்கள் மறைத்து வைத்திருந்த கத்தியை எடுத்து, தேவராஜின் உள்ளங்கையில் வெட்டி, அவரது 4 சவரன் செயின் மற்றும் மொபைல் போனை பறித்து தப்பினர்.

அக்கம் பக்கத்தினர், காயமடைந்த தேவராஜை மீட்டு ஸ்டான்லி அரசு மருத்துவமனைக்கு அனுப்பி வைத்தனர். சம்பவம் குறித்து வியாசர்பாடி போலீசார் விசாரித்தனர். இதில், வியாசர்பாடி, புது தெருவைச் சேர்ந்த சத்யராஜ், 32, பாலாஜி, 24, ஆகியோர் வழிப்பறியில் ஈடுபட்டது தெரிய வந்தது. இருவரையும் போலீசார் நேற்று காலை கைது செய்தனர்.