தமிழ்நாடு கைப்பந்து கழகம் மற்றும் சென்னை மாவட்ட கைப்பந்து சங்கம் சார்பில், எஸ்.என்.ஜே.குழுமம் சார்பில், மாவட்ட அளவிலான 'ஏ' டிவிஷன் கைப்பந்து போட்டிகள், எழும்பூர் ராதாகிருஷ்ணன் அரங்கில் கடந்த இரு வாரமாக நடக்கின்றன.

இதில், எஸ்.ஆர்.எம்., பல்கலை, ஐ.சி.எப்., வருமான வரித்துறை, இந்தியன் வங்கி, டி.ஜி.வைஷ்ணவ் உட்பட எட்டு அணிகள் பங்கேற்று, பலப்பரீட்சை நடத்தின. போட்டிகள் 'ரவுண்ட் ராபின்' முறையில் நடந்தன.

இதில் நேற்று நடந்த இறுதி போட்டியில், நடப்பு சாம்பியன் எஸ்.ஆர்.எம்., பல்கலை அணி மீண்டும் சாம்பியன் பட்டம் வென்று அசத்தியது. அந்த அணிக்கு முதல் பரிசாக 1.50 லட்சம் ரூபாய். கோப்பை மற்றும் சான்றிதழ் வழங்கப்பட்டது.