கந்தசுவாமி கோவிலில் நெரிசல்

சென்னை புறநகர் பகுதியான திருப்போரூரில், புகழ்பெற்ற கந்தசுவாமி கோவில் உள்ளது. நேற்று சுபமுகூர்த்த நாள் என்பதால், கோவிலில் திருமணம் செய்ய 32 பேர் முன்பதிவு செய்திருந்தனர். மேலும், வேண்டுதலின் காரணமாக முன்பதிவு செய்யாமல் பலரும் திருமணம் செய்ய வந்திருந்தனர். அந்தவகையில் 54 திருமணங்கள் நடந்தன.இதனால், அப்பகுதியில் கடும் போக்குவரத்து நெரிசல் ஏற்பட்டது. நேற்று, ஒரே நாளில் மட்டும் 10,000க்கும் மேற்பட்டோர் கோவிலுக்கு வந்திருந்தனர்.