துாய்மை பணியாளர்கள் ஆர்ப்பாட்டம்!

சென்னை மாநகராட்சியில், துாய்மை பணியை தனியார் மயக்கமாக்கலை கண்டித்தும், தி.மு.க., தேர்தல் அறிக்கையில் அளித்த வாக்குறுதிப்படி, பணி நிரந்தரம் செய்ய வலியுறுத்தியும், சென்னை மாநகராட்சி செங்கொடி சங்கத்தினர், ரிப்பன் மாளிகையில் நேற்று ஆர்ப்பாட்டத்தில் ஈடுபட்டனர்.இதுகுறித்து அவர்கள் கூறியதாவது:பணியாளர்களுக்கு பழைய ஓய்வூதியம், நிறுத்தி வைக்கப்பட்டுள்ள சரண்டர் விடுப்பு ஊதியம், விடுப்பட்ட 21 மாத ஊதிய குழு நிலுவை தொகை உள்ளிட்டவை வழங்க வேண்டும். தி.மு.க.,வின் தேர்தல் அறிக்கையின்படி, மலேரியா பணி, துாய்மை பணி ஆகியவற்றில் ஈடுபடுபவோரை பணி நிரந்தரம் செய்ய வேண்டும் உள்ளிட்ட கோரிக்கைகளை வலியுறுத்தி போராட்டத்தில் ஈடுபட்டுள்ளோம்.இவ்வாறு அவர்கள் கூறினர்.