இது குறித்து சமூக ஆர்வலர்கள் முன்வைத்த கோரிக்கையை அடுத்து, கடந்த 2005ல் குளத்தை சுத்தம் செய்து நிலத்தடி பூங்காவாக மாநகராட்சி மாற்றியது.

அதேநேரம், பூங்கா தரைமட்டத்துக்கு கீழே இருந்ததால் பெண்கள், குழந்தைகள், முதியோர் பயன்படுத்துவதற்கு தயங்கவே, சமூக விரோதிகளின் கூடாரமாக பூங்கா மாறியது.

மேலும், பூங்காவை ஒட்டியுள்ள நடைபாதையை, சிறுகடை வியாபாரிகள் ஆக்கிரமித்துள்ளனர். இதனால், பூங்கா இருப்பதே பெரும்பாலானோருக்கு தெரிவதில்லை.

எனவே நெரிசல் மிகுந்த எம்.சி., சாலையில், பயன்பாடின்றி உள்ள நிலத்தடி பூங்காவில் வணிக வளாகம் அமைத்து, நடைபாதை வியாபாரிகளுக்கு கடை அமைத்து தர மாநகராட்சி நடவடிக்கை எடுக்க வேண்டும் என, கோரிக்கை வலுத்துள்ளது.