கொளத்துார் பகுதியைச் சேர்ந்தவர் 25 வயது இளம்பெண். இவர், கடந்த 2022ம் ஆண்டு கிண்டியி ல் உள்ள தனியார் நிறுவனத்தில் பணியாற்றினார். அதே நிறுவனத்தில், திரு.வி.க., நகரைச் சேர்ந்த நரேஷ், 35, என்பவர், பணிபுரிந்துள்ளார். நரேஷ் அப்பெண்ணிடம், தன்னை திருமணம் செய்து கொள்ள வேண்டும் என, 'டார்ச்சர்' கொடுத்து வந்துள்ளார். டார்ச்சர் தாங்க முடியாததால், அப்பெண் வேலையை விட்டு நின்றதாக கூறப்படுகிறது.

இந்த நிலையில், மற்றொரு நிறுவனத்தில் அப்பெண் பணிக்கு சேர்ந்துள்ளார். அங்கேயும் சென்று நரேஷ் திருமணம் செய்ய வற்புறுத்தியுள்ளார்.

அப்பெண் எதிர்ப்பு தெரிவிக்கவே, கடந்த 26ம் தேதி, இளம்பெண்ணின் வீட்டிற்கு சென்று, அவரது பெற்றோரிடம் நரேஷ் வாக்குவாதம் செய்துள்ளார்.

இதனிடையே, 'பேஸ்புக்'கில் இளம்பெண்ணின் பெயரில் ஒரு கணக்கை துவங்கி, அருவருக்கத்தக்க வகையிலான குறுஞ்செய்திகளை அனுப்பியுள்ளார்.

பொறுமையிழந்த இளம்பெண், கொளத்துார் போலீசில் புகார் அளித்தார்.

விசாரித்த போலீசார், பெண்கள் வன்கொடுமை தடுப்பு சட்டத்தின் கீழ் வழக்கு பதிந்து, நரேஷை கைது செய்து, நேற்று சிறையில் அடைத்தனர்.