தரமணி, பிள்ளையார்கோவில் தெருவைச் சேர்ந்தவர்கள் லோகேஸ்வரன், 25; மணிகண்டன், 24. இருவரும், பெருங்குடியில் உள்ள 'அமேசான்' நிறுவனத்தில் பணிபுரிந்தனர். நேற்று அதிகாலை நண்பர்கள் இருவரும், இருசக்கர வாகனத்தில் தரமணியில் இருந்து எஸ்.ஆர்.பி., டூல்ஸ் நோக்கி புறப்பட்டனர். மணிகண்டன் வாகனத்தை ஓட்டி சென்றார். இருவரும் 'ஹெல்மெட்' அணியவில்லை.

இந்த நிலையில், வளைவில் அதிவேகமாக சென்றபோது, கட்டுப்பாட்டை இழந்த வாகனம், சாலை மைய தடுப்பில் மோதியது. இதில், லோகேஸ்வரன் சம்பவ இடத்திலேயே பலியானார். பலத்த காயமடைந்த மணிகண்டன், ராயப்பேட்டை அரசு மருத்துவமனையில் சிகிச்சை பெற்று வருகிறார். அடையாறு போக்கு வரத்து புலனாய்வு போலீசார் விசாரிக்கின்றனர்.