ஸ்ரீ ராமகிருஷ்ணா தொழில்நுட்பக் கல்லுாரியில், 14வது 'சென்டீஸ்' சாம்பியன்ஷிப் போட்டி மூன்று நாட்கள் நடந்தது. ஆண்களுக்கான கூடைப்பந்து போட்டியில், கோவை, ஈரோடு, நீலகிரி, திருப்பூர் மாவட்டங்களை சேர்ந்த, 18 கல்லுாரி அணிகள் பங்கேற்றன.

கால்பந்து போட்டியில், 19 அணிகளும், கோ-கோ போட்டியில், 15 அணிகளும் விளையாடின. பல்வேறு சுற்றுகளை அடுத்து நடந்த கூடைப்பந்து இறுதிச்சுற்றில், குமரகுரு தொழில்நுட்ப கல்லுாரி அணி, 45-16 என்ற புள்ளிகளில், கே.பி.ஆர்.ஐ.இ.டி., அணியை வென்று முதலிடம் பிடித்தது.

கால்பந்து இறுதிப்போட்டியில்,கே.பி.ஆர்., அணி, 1-0 என்ற கோல்களில், ஈரோடு கே.இ.சி., அணியை வென்றது. மூன்றாம் இடத்துக்கான போட்டியில், ஈரோடு இ.எஸ்.இ.சி., அணி, 1-0 என்ற கோல்களில், என்.ஐ.இ.டி., அணியை வென்றது.

கோ-கோ இறுதிப்போட்டியில், ஈரோடு கே.இ.சி., அணி, 18-17 என்ற புள்ளிகளில் பி.எஸ்.ஜி., கல்லுாரி அணியை வென்றது. மூன்றாம் இடத்துக்கான போட்டியில், குமரகுரு தொழில்நுட்பக் கல்லுாரி அணி, 8-5 என்ற புள்ளிகளில், எஸ்.எஸ்.ஐ.இ.டி., அணியை வீழ்த்தியது.

வெற்றி பெற்ற அணிகளுக்கு, கல்லுாரி முதல்வர் டேவிட் ரத்னராஜ், உடற்கல்வி இயக்குனர் வேலுச்சாமி ஆகியோர் பரிசுகள் வழங்கினர்.