சம்பவ இடத்தில், ஆனைமலை புலிகள் காப்பகம் கால்நடை அலுவலர் மற்றும் ஆனைகட்டி, வடவள்ளி கால்நடை மருத்துவர்கள் முன்னிலையில் இறந்து கிடந்த பெண் யானையின் உடற்கூறு ஆய்வு நடந்தது. இதில், இறந்த பெண் யானைக்கு சுமார், 38 வயது இருக்கக்கூடும் எனவும், நுரையீரல் பாதிப்பு மற்றும் பல்வேறு உடல் உள்ளுறுப்புகளின் செயல் இழப்பு இருப்பது தெரியவந்தது. வெளிப்புற காயங்கள் எதுவும் இல்லை. ஆய்வக முடிவுக்கு பின்னர் இறப்புக்கான முழுமையான காரணம் தெரிய வரும் என, வனத்துறையினர் தெரிவித்தனர்.