கிணத்துக்கடவு தினசரி மார்க்கெட்டில், விவசாயிகள் தங்கள் விளை பொருட்களை விற்பனை செய்து வருகின்றனர். தற்போது மார்க்கெட்டில், காய்கள் விலையில் மாற்றம் ஏற்பட்டு, வரத்து சராசரியாக உள்ளது என, வியாபாரிகள் தெரிவித்தனர். மேலும், தக்காளி விலையும் சரிந்துள்ளது.

மார்க்கெட்டில், தக்காளி (15 கிலோ), 200, தேங்காய் - 16 (ஒன்று), கத்தரிக்காய் (கிலோ) - 23, முருங்கைக்காய் - 35, வெண்டைக்காய் - 18, முள்ளங்கி - 20, வெள்ளரிக்காய் - 10, பூசணிக்காய் - 10, அரசாணிக்காய் - 15, பாகற்காய் - 15, புடலை - 15, சுரைக்காய் - 18, பீர்க்கங்காய் - 20, பீட்ரூட் - 20, அவரைக்காய் - 50, பச்சை மிளகாய் - 25 ரூபாய்க்கு விற்கப்பட்டது.

கடந்த வாரத்தை விட தற்போது மார்க்கெட்டில், தக்காளி (15 கிலோ பெட்டி) 50 முதல் 100 வரை விலை குறைந்துள்ளது. மேலும், கத்தரிக்காய் - 17, பூசணிக்காய் மற்றும் பாகற்காய் - 5,பச்சை மிளகாய் - 25 ரூபாய் விலை குறைந்துள்ளது.

அரசாணிக்காய், பீட்ரூட், அவரைக்காய் - 5,சுரைக்காய் - 3 மற்றும் வெண்டைக்காய் -- 2 ரூபாய் விலை அதிகரித்துள்ளது.

வியாபாரிகள் கூறுகையில், 'காய்கள் வரத்து சராசரியாக இருந்தது. விலையில் சிறதளவு மாற்றம் இருந்தது. ஆனால், தக்காளி வரத்து நாளுக்கு நாள் அதிகரிகரிப்பால், விலை குறைந்து வருகிறது' என்றனர்.