கோவை கல்வி மாவட்டத்துக்கு உட்பட்ட குறுமைய அளவிலான விளையாட்டு போட்டிகள், பல்வேறு பள்ளிகள் சார்பில் நடைபெற்று வருகிறது.

இதன் 'ஆ' குறுமைய விளையாட்டுப் போட்டிகள், சி.எம்.எஸ்., மெட்ரிக்., பள்ளி சார்பில் நடக்கின்றன. டெனிகாய்ட் போட்டி சின்னவேடம்பட்டி டி.கே.எஸ்., பள்ளி மைதானத்தில் நடந்தது.

மாணவர் பிரிவு

ஒற்றையர் 14 மற்றும் 17 வயது பிரிவில், கணபதி அரசுப்பள்ளி அணி முதலிடமும், டிரினிட்டி பள்ளி இரண்டாம் இடமும், 19 வயது பிரிவில் எஸ்.இ.எஸ்., பள்ளி முதலிடமும், டிரினிட்டி பள்ளி இரண்டாம் இடமும் பிடித்தன.

இரட்டையர் 14 மற்றும் 19 வயது பிரிவில், கணபதி அரசு பள்ளி அணி முதல் இடம், டிரினிட்டி பள்ளி இரண்டாம் இடம், 17 வயது பிரிவில் கணபதி அரசு பள்ளி முதலிடம், இன்பேன்ட் ஜீசஸ் பள்ளி இரண்டாம் இடம் பிடித்தன.

மாணவியர் பிரிவு

ஒற்றையர் 14 வயது பிரிவில், இன்பேன்ட் ஜீசஸ் பள்ளி முதலிடம், கணபதி அரசு பள்ளி இரண்டாமிடம், 17 வயது பிரிவில் பி.ஆர்., சித்தா நாயுடு முதலிடம், கணபதி அரசு பள்ளி இரண்டாமிடம், 19 வயது பிரிவில் கணபதி அரசு பள்ளி முதலிடம், இன்பேன்ட் ஜீசஸ் பள்ளி இரண்டாம் இடம் பிடித்தன.

இரட்டையர் பிரிவு

14 வயது பிரிவில் இன்பேன்ட் ஜீசஸ் பள்ளி முதலிடம், கணபதி அரசு பள்ளி இரண்டாமிடம், 17 வயது கணபதி அரசு பள்ளி அணி முதலிடம், பி.ஆர்., சித்தா நாயுடு இரண்டாமிடம், 19 வயது பிரிவில் இன்பேன்ட் ஜீசஸ் பள்ளி முதலிடம், கணபதி அரசு பள்ளி இரண்டாமிடம் பிடித்தன.

இப்போட்டியில் முதலிடம் பிடித்த அணிகள், மாவட்ட அளவிலான போட்டிக்கு தகுதி பெற்றன.