கோரிக்கைகள் குறித்து, இந்திய வங்கி ஊழியர் சம்மேளன மாவட்ட தலைவர் மகேஸ்வரன் கூறியதாவது:

இந்தியாவில் வங்கி ஊழியர் நியமனம், குறைந்து கொண்டே இருக்கிறது. ஐந்து ஆண்டுகளில், 65 ஆயிரம் வங்கி ஊழியர்கள் குறைந்துள்ளனர்.பொதுவாக வங்கிகளில், 60 சதவீதம் ஊழியர்களும், 40 சதவீதம் அதிகாரிகளும் இருப்பது வழக்கம். ஆனால் இப்போது, ஊழியர்கள் சதவீதம்தான் உள்ளனர்.

ஆனால் வங்கிகளின் வணிகம் மற்றும் லாபம் அதிகரித்துள்ளது. இதனால் ஊழியர்களின் வேலை சுமை அதிகரித்துள்ளது. சேவை குறைபாடு ஏற்படும் போது ஊழியர்களுக்கும், வாடிக்கையாளர்களுக்கும் தகராறு ஏற்படுகிறது.

அனைத்து மத்திய, மாநில அரசு பணியாளர்களையும் போல், வங்கி ஊழியர்களுக்கும் ஐந்து நாட்கள் வேலை நாட்களாக இருக்க வேண்டும். இக்கோரிக்கைகளை வலியுறுத்தி மார்ச் 24,25 தேதிகளில் வேலை நிறுத்தம் நடத்த இருக்கிறோம்.

இவ்வாறு, அவர் கூறினார்.

ஆர்ப்பாட்டத்தில், 500க்கும் மேற்பட்ட வங்கி ஊழியர்கள், அதிகாரிகள் மற்றும் சங்க நிர்வாகிகள் பங்கேற்றனர்.