இந்நிலையில், வெள்ளிமலைபட்டிணத்தில், பீர்க்கங்காய் கொடியில், வைரஸ் நோய் தாக்குதல் ஏற்பட்டு, இலை சுருள் மற்றும் கொடி கருகியுள்ளன.

தொண்டாமுத்தூர் வட்டார விவசாயிகள் கூறுகையில், 'வழக்கம் போல சித்திரை மாதம் மழை பெய்யும் என்ற நம்பி, பங்குனியில், பீர்க்கங்காய் நடவு செய்தோம்.

வழக்கமாக, 45 நாட்களில், 10 முறை காய்களை பறிப்போம். ஆனால், இந்தாண்டு மழை பொய்த்துப்போனதாலும், வெயிலும் அதிகரித்ததாலும், கொடியில் வைரஸ் நோய் தாக்கி, இலை சுருண்டு, கொடி மற்றும் காய் முழுவதும் கருகி விட்டது' என்றனர்.