கோவை மாவட்ட வேலை வாய்ப்பு மற்றும் தொழில்நெறி வழிகாட்டும் மையம் வாயிலாக, தனியார் நிறுவனங்களில் பணிபுரிவதற்கான, சிறப்பு தனியார் துறை வேலை வாய்ப்பு முகாம், ஒவ்வொரு மாதமும், மூன்றாவது வெள்ளிக்கிழமைகளில் நடத்தப்படுகிறது.

இம்மாதத்துக்கான முகாம், வரும் 23ம் தேதி காலை 10:00 மணி முதல், மாவட்ட வேலை வாய்ப்பு அலுவலக வளாகத்தில் நடக்கிறது.

பத்தாம் வகுப்பு, பிளஸ் 2, பட்டப்படிப்பு, ஐ.டி.ஐ., டிப்ளமோ, பொறியியல் பட்டப்படிப்பு முடித்த அனைத்து மனுதாரர்கள், தங்களது சுய விபரம், கல்விச்சான்றுகளின் நகல்களுடன் பங்கேற்று வேலை வாய்ப்பு பெறலாம்.

முகாமில் பங்கேற்க வயது வரம்பு இல்லை; அனுமதி இலவசம். பல முன்னணி தனியார் நிறுவனங்கள் பங்கேற்று, பல்வேறு காலிப்பணியிடங்களுக்கு மனுதாரர்களை தேர்வு செய்ய உள்ளனர்.

தேர்வு செய்யப்படுவோருக்கு, அப்போதே பணி நியமன ஆணை வழங்கப்பட உள்ளது. பணி நியமனம் பெறுபவரின் வேலை வாய்ப்பு அலுவலக பதிவு ரத்து செய்யப்பட மாட்டாது.

பங்கேற்க விரும்பும் தனியார் நிறுவனங்கள் மற்றும் மனுதாரர்கள், www.tnprivatejobs.tn.gov.in மற்றும் www.ncs.gov.in என்ற இணையதளங்களில் பதிவு செய்து கொள்ளலாம்.

மனுதாரர்கள் அதிகளவில் பங்கேற்று, முகாமை பயன்படுத்திக் கொள்ள வேண்டும் என, மாவட்ட கலெக்டர் கிராந்திகுமார் அழைப்பு விடுத்துள்ளார்.

கூடுதல் விபரங்களுக்கு: 0422 - 2642388/94990 55937.