ADDED : ஜூன் 04, 2026 09:34 PM
கோவை: உலக சுற்றுச்சூழல் தினத்தை முன்னிட்டு கோவை மண்டல அறிவியல் மையம் மற்றும் ரோட்டரி கிளப் ஆப் கோயம்புத்துார் தெற்கு, கோவை குளங்கள் பாதுகாப்பு ஆகியவை இணைந்து போஸ்டர் தயாரிப்பு போட்டியை நடத்துகின்றன.ஆறு முதல் பிளஸ் 2 வரையுள்ள மாணவர்களுக்கான இந்த போட்டி ஜூன் 5ம் தேதி மதியம் 2 மணிக்கு கொடிசியா அருகேவுள்ள கோவை மண்டல அறிவியல் மையத்தில் நடக்கிறது.
ஆறு முதல் எட்டாம் வகுப்பு வரையுள்ள மாணவர்கள் ‘மாசுபாட்டைத் தடுத்து, இயற்கையை பாதுகாப்போம்’ என்ற தலைப்பிலும், ஒன்பது முதல் பிளஸ் 2 வரையுள்ள மாணவர்கள் ‘சுற்றுச்சூழல் பாதுகாப்பிற்கான பசுமை புதுமைகள்’ என்ற தலைப்பிலும் போஸ்டர்களை தயாரிக்க வேண்டும். போட்டியில் பங்கேற்க விரும்பும் மாணவர்கள், 85239 09178 என்ற எண்ணில் பதிவு செய்யலாம் என நிகழ்ச்சி ஏற்பாட்டாளர்கள் தெரிவித்துள்ளனர்.
