தினமலர் டிவி
Podcast
iPaper
சினிமா
கோயில்கள்
புத்தகங்கள்
Subscription
திருக்குறள்
கடல் தாமரை
/
உள்ளூர் செய்திகள்
/
கோயம்புத்தூர்
/
குடிநீரை பார்த்து, பார்த்து பயன்படுத்துங்க! அணைகளில் இருப்பு குறைந்ததால் கலெக்டர் வேண்டுகோள்
/
குடிநீரை பார்த்து, பார்த்து பயன்படுத்துங்க! அணைகளில் இருப்பு குறைந்ததால் கலெக்டர் வேண்டுகோள்
குடிநீரை பார்த்து, பார்த்து பயன்படுத்துங்க! அணைகளில் இருப்பு குறைந்ததால் கலெக்டர் வேண்டுகோள்
குடிநீரை பார்த்து, பார்த்து பயன்படுத்துங்க! அணைகளில் இருப்பு குறைந்ததால் கலெக்டர் வேண்டுகோள்
ADDED : ஏப் 30, 2024 11:47 PM
கோவை:சிறுவாணி மற்றும் பில்லுார் அணைகளில் நீர் இருப்பு குறைந்து விட்டதால், குடிநீரை வீணாக்காமல், மிகவும் சிக்கனமாக பயன்படுத்த, கோவை கலெக்டர் கிராந்திகுமார் வேண்டுகோள் விடுத்துள்ளார்.
கோவை மாவட்டத்தில் வசிக்கும் மக்களுக்கு சிறுவாணி, பில்லுார், ஆழியார் அணைகளில் இருந்து தண்ணீர் எடுத்து, வினியோகிக்கப்படுகிறது.
சிறுவாணி அணை
சிறுவாணி அணை பகுதியில், 2023 மார்ச், ஏப்., மாதங்களில், 57.95 மி.மீ., மழை பதிவானது; நடப்பாண்டு இவ்விரு மாதங்களிலும் மழை பொய்த்து விட்டது.
சிறுவாணியில் இருந்து நாளொன்றுக்கு, 10.1 கோடி லிட்டர் தண்ணீர் எடுக்கப்படும். தற்போதுள்ள இருப்பை கருத்தில் கொண்டு, ஜூன் வரை வழங்க திட்டமிட்டு, தினமும், 3.5 கோடி லிட்டர் எடுக்கப்படுகிறது.
ஆழியார் அணை
ஆழியார் அணை பகுதியில், 2023 மார்ச்சில் 5 மி.மீ., ஏப்ரலில் 41.80 மி.மீ., மழை பதிவானது; நடப்பாண்டு மழைப்பொழிவு இல்லை. அணையில் நீர் இருப்பும் குறைவாக உள்ளது. இதைக்கொண்டு ஜூன் இறுதி வரை, கூட்டுக்குடிநீர் திட்டத்தில் வழங்கலாம்.
பில்லுார் அணை
பில்லுார் அணை பகுதியில், 2023 மார்ச்சில் 1,130.90 மி.மீ., ஏப்ரலில் 2,189.64 மி.மீ., மழை கிடைத்தது. நடப்பாண்டு மழை பொய்த்து விட்டது.
அணையின் மொத்த கொள்ளளவு, 1,568 மில்லியன் கன அடி; தற்போது, 777 மில்லியன் கன அடியே நீர் இருப்பு உள்ளது. மொத்த உயரமான, 100 அடியில், 55.25 அடி உயரத்துக்கே நீர் இருப்பு காணப்படுகிறது.
பவானி ஆறு
பவானி ஆற்றுப்படுகை மூலம் செயல்படுத்தப்படும், 12 திட்டங்களுக்கு, தினமும், 3.9 கோடி லிட்டர் குடிநீர் தேவை. பவானி ஆற்றிலும் நீர் வரத்து குறைந்து விட்டதால், குடிநீர் மற்றும் சமையலுக்கு மட்டும் பயன்படுத்தும் வகையில், நாளொன்றுக்கு, 2.5 கோடி லிட்டரே எடுப்பதற்கு போதுமானதாக உள்ளது.
குடிநீர் அல்லாத இதர வீட்டு உபயோகங்களுக்கு மாநகராட்சி, நகராட்சிகள், பேரூராட்சிகள், ஊராட்சிகளில் ஏற்கனவே அமைத்துள்ள, 2,649 போர்வெல்கள் மூலம் தண்ணீர் எடுக்கப்பட்டு, தொட்டிகள் மற்றும் பொதுக்குழாய்கள் மூலம், 4 கோடி லிட்டர் வரை வினியோகிக்கப்படுகிறது.
அணைகளில் இருந்து பெறப்படும் குடிநீர், பற்றாக்குறையாக இருப்பதால், குடிக்கவும் சமையலுக்கும் மட்டும் பயன்படுத்த வேண்டும். இதர பயன்பாட்டுக்கு போர்வெல் தண்ணீரை உபயோகிக்க வேண்டும். நீரை வீணாக்காமல், மிகவும் சிக்கனமாக பயன்படுத்த வேண்டும்.
இவ்வாறு, கலெக்டர் கிராந்திகுமார் கூறியுள்ளார்.