கிணத்துக்கடவு சுற்றுப்பகுதியில், விவசாயிகள் தனிப்பயிராகவும், தென்னையில் ஊடுபயிராகவும் பல்வேறு ரக வாழை சாகுபடி செய்துள்ளனர். அறுவடை செய்யப்படும் வாழைத்தார்கள் கிணத்துக்கடவு தினசரி மார்க்கெட்டிற்கு கொண்டு வரப்படுகின்றன.

மார்க்கெட்டில் ஏலம் வாயிலாக வாழைத்தார் விற்பனை செய்யப்படுகிறது. இந்நிலையில், வாழைத்தார் வரத்து குறைந்த நிலையில், விலையும் சரிந்துள்ளதால், விவசாயிகள் அதிர்ச்சியடைந்துள்ளனர்.

இந்த வாரம் மார்க்கெட்டில், செவ்வாழை கிலோ - 70, நேந்திரன் - 46, ரஸ்தாளி - 40, கதளி - 10, பூவன் - 35, சாம்பிராணி வகை - 40 ரூபாய்க்கு விற்பனை ஆனது.

கடந்த வாரத்தை விட தற்போது நேந்திரன் கிலோ - 4, கதளி - 10 மற்றும் சாம்பிராணி வகை -- 5 ரூபாய் விலை குறைந்துள்ளது.

வியாபாரிகள் கூறுகையில், 'கடந்த வாரம், வெளிமாவட்டங்களில் இருந்து வாழைத்தார் அதிகம் கொண்டு வரப்பட்டு விற்பனை செய்யப்பட்டது. இந்த வாரம் வெளிமாவட்ட வரத்து இல்லை. உள்ளூர் விவசாயிகளிடம் இருந்து வாழைத்தார் வரத்து தற்போது தான் துவங்கியுள்ளது,' என்றனர்.