வால்பாறை அடுத்துள்ள சோலையாறு எஸ்டேட் முனீஸ்வரன் சுவாமி கோவிலில், 31ம் ஆண்டு திருவிழா நேற்று முன்தினம் கொடியேற்றத்துடன் துவங்கியது. திருக்கொடியை எஸ்டேட் மேலாளர்கள் பரிசோத்சதுர்வேதி, விஜேயந்திர அர்ஜூனா ஆகியோர் ஏற்றினர்.

விழாவில், வரும் 28ம் தேதி இரவு, 7:00 மணிக்கு மாரியம்மன் கோவில் வளாகத்தில் முருகன், வள்ளி, தெய்வானைக்கு திருக்கல்யாணம் நடக்கிறது.

வரும், மார்ச் 1ம் தேதி சோலையாறு 3ம் பிரிவு முனீஸ்வரன் கோவில் வளாகத்தில் இருந்தும், பல்வேறு கோவில்களிலிருந்தும் கொண்டுவரப்பட்ட தீர்த்தத்தை பக்தர்கள் ஊர்வலமாக எடுத்து செல்கின்றனர். இரவு, 7:00 மணிக்கு அலங்கரிக்கப்பட்ட தேரில் முருகப்பெருமான் எழுந்தருளி திருவீதி உலா சென்று பக்தர்களுக்கு அருள்பாலிக்கிறார்.

விழாவில், முக்கிய நிகழ்வாக வரும், 2ம் தேதி காலை, 11:00 மணிக்கு முனீஸ்வரன் கோவில் வளாகத்தில், அன்னதானம் வழங்கும் விழா நடக்கிறது. விழா ஏற்பாடுகளை கோவில் கமிட்டிகள் செய்து வருகின்றனர்.