மேட்டுப்பாளையம் நெல்லித்துறை சாலையில், நீலகிரி கூட்டுறவு விற்பனைச் சங்கம், செயல்பட்டு வருகிறது. இங்கு, நீலகிரி மாவட்டம் ஊட்டி, குன்னூர், கோத்தகிரி, கேத்தி, கூடலூர் என பல்வேறு இடங்களில் உற்பத்தி செய்யப்படும் உருளைக்கிழங்குகள் ஏலம் விடப்பட்டு விற்பனை செய்யப்படுகிறது. கடந்த சில நாட்களாக நீலகிரி மாவட்டத்தில் பெய்த மழை காரணமாக ஊட்டி கிழங்குகளின் வரத்து குறைந்தது. இதனால் விலை உயர்ந்து விற்பனை ஆனது. தற்போது வரத்து அதிகரித்துள்ளதால், விலை குறைந்து விற்பனையாகி வருகிறது.

இதுகுறித்து, நீலகிரி கூட்டுறவு விற்பனைச் சங்க ஊழியர்கள் கூறியதாவது:- ஊட்டி உருளைக்கிழங்குகள் வரத்து குறைந்திருந்த போது, 45 கிலோ எடை கொண்ட ஒரு மூட்டை உருளைக்கிழங்கு, சுமார் ரூ.4,600 வரை அதிகபட்சமாக விற்பனையானது. தற்போது வரத்து அதிகரித்துள்ளது. இதனால் விலை குறைந்துள்ளது.

நேற்று, 45 கிலோ எடை கொண்ட ஒரு மூட்டை அதிகபட்சமாக ரூ.2,520க்கு விற்பனை ஆனது. சுமார் 900 மூட்டைகள் வந்தன. இவ்வாறு அவர்கள் கூறினார்.--