இக்கூட்டத்தில் எடுக்கப்பட்ட நடவடிக்கைகள் குறித்து அடுத்து வரும் கிராம சபை கூட்டத்தில் அறிக்கை சமர்ப்பிக்க வேண்டும். கூட்டம் நடந்ததற்கான போட்டோ, வீடியோ ஆதாரங்களை மாவட்ட நிர்வாகத்திற்கு அனுப்ப வேண்டும்,' என அறிவுறுத்தி உள்ளது. இதுகுறித்து முன்னாள் வார்டு உறுப்பினர்கள் கூறுகையில்,' வழக்கமாக ஏழு நாட்களுக்கு முன்னதாகவே கிராம சபை கூட்டம் குறித்து அறிவிக்கப்படும்.

தண்டோரா அல்லது ஒலிபெருக்கி வாயிலாக அனைத்து குக்கிராமங்களிலும் தகவல் தரப்படும். வீடு வீடாக துண்டு பிரசுரங்கள் கொடுத்து கிராம சபை கூட்டத்திற்கு அழைப்பு விடப்படும்.

தற்போது 8ம் தேதி கூட்டம் நடத்த 6ம் தேதி மாலை தகவல் தெரிவிக்கின்றனர். இதனால் கிராமத்தில் உள்ள அனைத்து வீடுகளுக்கும் தகவல் செல்லாது.

இந்த கிராம சபை கூட்டம் வெறும் பெயரளவுக்கு நடைபெறும்,' என்றனர்.